ہرے بھرے ساگ صحت کے راگ

سائجن کا ساگ یعنی مورنگا کے پتے ہندوستان ےک مغربی اور جنوبی حصے میں شوق سے پکائے اور کھائے جاتے ہیں۔ سائي جن ساگ سوپ،۔ سلاد اور سینڈوچ بنانے کے کام آتا ہے۔ شام کی چائے میں ساگ کے بنے پکوڑے چٹنی کے ساتھ خاص لطف دیتے ہیں۔

جنوبی ہند میں مچھلی اور کیکڑے کے ساتھ بھی پکائے جاتے ہیں۔ اس کے پکوان جنوبی ہند میں خواص و عام کی پسند ہیں۔ غذایت سے بھرپور اس ساگ کو ذیابیطس کا بہترین علاج بھی تصور کیا جاتا ہے۔ قلب کے امراض، جوڑوں کے درد اور سانس کی تکلیف رفع کرتا ہے اور ہاضمہ درست کرتا ہے۔

امباڑی کا ساگ جنوبی اور مشرقی ہند کے علاقوں کی پیداوار اور گرمیوں کی سوغات ہے۔ اس کے پتوں میں ہلکی ترشی ہوتی ہے جو کھانے کو منفرد ذائقہ دیتی ہے۔