عبادت کے لئے عوامی جگہوں پر انکروچمنٹ نہیں کیا جا سکتا: مدراس ہائی کورٹ

کیا ہے معاملہ؟

کچھ عرصہ پہلے گروگرام میں عوامی مقامات پر نماز پڑھنے کو لے کر کافی ہنگامہ ہوا تھا۔ ہندو تنظیموں کا الزام تھا کہ مسلم کمیونٹی کے لوگ زمین پر قبضہ کرنے کے لئے عوامی مقامات پر عبادت کرتے ہیں۔

اس پر وزیر اعلی منوہر لال کھٹر نے کہا تھا کہ نماز مساجد اور عیدگاہوں میں ہی پڑھی جانی چاہیے، نہ کہ عوامی جگہوں پر۔ بعد میں انتظامیہ نے جمعہ کی نماز کے لئے کچھ جگہ طے کی، تاہم کچھ تنظیمیں پھر بھی اس کی مخالفت کرتی رہیں۔

وہیں، ہریانہ میں ریاستی وقف بورڈ نے بھی نماز پڑھنے کے لئے اپنا پلاٹ استعمال کرنے کا فیصلہ کیا تھا۔ بورڈ کا کہنا تھا کہ صرف گروگرام میں اس کی 20 ایسی جگہیں ہیں جن کا استعمال نماز کے لئے ہو سکتا ہے، حالانکہ ان میں سے کچھ جگہوں پر لوگوں نے قبضہ کر رکھا ہے۔