لکھنؤ: اتر پردیش کی راجدھانی لکھنؤ میں پیر کی صبح ہوئی ڈھائی گھنٹے کی بارش سے معمولات زندگی درہم برہم ہو گئی اور نچلے علاقوں سمیت کئی وزراکی رہائش گاہوں میں پانی بھر گیا۔
لکھنؤ میں مانسون کی پہلی موسلادھار بارش سے شہر کے مختلف علاقوں میں سڑکوں پر پانی بھرنے سے کئی جگہوں پر کافی دیر تک جام کی صورت حال پیداہوگئی۔ بارش کی وجہ سے اسکول جانے والے بچوں اور دفتر جانے والے ملازمین کو کافی پریشانی اٹھانی پڑی۔ گٹر بند ہونے سے سڑکوں پر کئی فٹ پانی جمع ہو گیا ہے ۔ یہاں ہوئی پہلی بھاری بارش نے لکھنؤ نگرنگم کے پانی کی نکاسی کے دعووں کی پول کھول کر رکھ دی۔