انگلینڈ کے خلاف پانچ میچوں کی ٹیسٹ سیریز میں ٹیم انڈیا 2-1 سے پیچھے ہے ۔ ایسے میں اگر ٹیم انڈیا کو سیریز جیتنی ہے تو آخری دونوں ٹیسٹ جیتنے ہوں گے ۔ ویسے اس سیریز میں وراٹ کوہلی نے غضب کی بلے بازی کی ہے اور اب تک دو سنچریاں بناچکے ہیں ۔ سیریز میں اب تک وراٹ کے نام 440 رن ہیں ۔
انگلینڈ میں ایک سیریز میں سب سے زیادہ رن بنانے کے معاملہ میں راہل دراوڑ ( 602) اور سنیل گواسکر ( 542 ) ان سے آگے ہیں ۔ ایسے میں کوہلی کا مقصد اس ریکارڈ کو توڑنا ہوگا ۔
وریندر سہواگ کا کہنا ہے کہ اگر کوہلی اس ریکارڈ کو توڑتے ہیں تو دراوڑ اور گواسکر کو خوشی ہوگی ۔ سہواگ نے ایک نیوز چینل سے بات چیت میں کہا کہ یہ راہل دراوڑ اور سنیل گواسکر کے ریکارڈ کیلئے کوئی بھی خطرے کی بات نہیں ہے۔ اگر کوہلی ریکارڈ توڑتے ہیں تو یہ خوشی کی بات ہے ۔ دونوں سینئروں کو بھی اتنی ہی خوشی ہوگی جتنی مجھے کرون نائر کے ٹریپل سنچری لگانے پر ہوئی تھی ۔ میں خود چاہتا ہوں کہ وہ رن بنائیں کیونکہ تبھی ٹیم انڈیا سیریز جیتنے کیلئے بھی اپنا دعوی پیش کرپائے گی۔
Pages: 1 2