مغربی بنگال میں اردو میڈیم اسکولوں میں اساتذہ کی شدید قلت، کئی اسکول بند ہونے کے قریب

انہوں نے کہا کہ 2010میں اردو میڈیم اسکولوں کے اساتذہ کی تحریک کی وجہ سے سابق وزیرا علیٰ بدھا دیب بھٹا چاریہ نے 101 ریزرو سیٹوں کو ڈی ریزرو کردیا تھا او ر اس کے بعد اسکولوں میں بحالی ہوئی ۔مگر یہ قدم عارضی تھا۔انہوں نے کہا کہ گزشتہ 4سالوں میں جنرل سیٹوں پر بھی بحالی نہیں ہوئی اس کی وجہ سے 276کے قریب اساتذہ کی جنرل سیٹیں خالی ہیں ۔

کانکی ناڑہ گرلس ہائی اسکول کی ٹیچر شمیمہ بانو نے کہا کہ گزشتہ چند سالوں سے اردو میڈیم اسکولوں کی جانب مسلم لیڈروں نے توجہ نہیں دی ہے ۔ہم لوگوں نے سیاسی لیڈروں کے دروازے پر دستک دی اور ان کی توجہ اس جانب مبذول کرانے کی متعدد مرتبہ کوشش کی مگر کوئی بھی ہماری آواز، پریشانی اور مشکلات کو وزیر اعلیٰ تک نہیں پہنچایا اور آج نتیجہ یہ ہے کہ بیشتر اسکولوں میں اساتذہ کا بحران ہے۔