کشمیر کے بالائی علاقوں میں برف باری، کرگل میں درجہ حرارت منفی 20 ڈگری ریکارڈ

گرمائی دارالحکومت سری نگر جہاں جمعہ کو دوپہر ایک بجے کے بعد شدید سرد ہوائیں چلنے لگیں، میں گذشتہ رات کم سے کم درجہ حرارت منفی 3 اعشاریہ 2 ڈگری ریکارڈ کیا گیا ہے ۔

جنوبی کشمیر میں گیٹ وے آف کشمیر کہلائے جانے والے ‘قاضی گنڈ’ اور شمالی کشمیر کے سرحدی ضلع کپواڑہ میں کم سے کم درجہ حرارت بالترتیب منفی 4 ڈگری اور منفی 2 ڈگری ریکارڈ کیا گیا ہے ۔ جنوبی کشمیر کے ککر ناگ میں بھی منفی درجہ حرارت ریکارڈ کیا گیا ہے ۔