فیفا ورلڈ کپ 2018: بیلجیئم اور فرانس کامیاب، برازیل اور یوروگوئے باہر

61ویں منٹ میں فرانس کے مڈ فیلڈر انٹونی گریزمین کی طاقتور کک یوروگوئے کے گول کیپر کے ہاتھوں سے لگتی ہوئی گول کے اندر چلی گئی۔ اس گول کے بعد فرانس کو دو صفر کی برتری حاصل ہو گئی۔

گول کیپر فرنینڈو میسلیرا کی غلطی سے ہونے والے اس گول کے باعث ٹیم کے حوصلے مزید پست ہو گئے۔ یوروگوئے کے کھلاڑیوں نے میچ میں واپس آنے کی بھر پور کوشش کی لیکن وہ گول کرنے میں کامیاب نہیں ہو سکے۔

فرانس نے میچ دو۔صفر سے جیت کر سیمی فائنل کے لئے کوالیفائی کرلیا جبکہ فیفا ورلڈ کپ 2018 میں یوروگوئے کا سفر ختم ہو گیا۔