شیخ عیسی قاسم کی حالت نازک، آل خلیفہ کی حکومت نے 500 دنوں سے نظر بند کیا ہے

بحرین کی سیاسی شخصیت میثم سلمان نے کہا ہے کہ آیت اللہ شیخ عیسی قاسم کی حالت نازک ہے اور مسلسل قید و بند کی وجہ سے ان کی حالت بتدریج خراب ہو رہی ہے۔

ارنا نے الجزیرہ کے حوالے سے رپورٹ دی ہے کہ بحرین کی سیاسی شخصیت اور صلح مذاکرات کے مرکز کے صدر میثم سلمان نے آج صبح بیروت میں ایک پریس کانفرنس کے دوران کہا کہ آیت اللہ شیخ عیسی قاسم کی بگڑتی ہوئی حالت کے پیش نظر ان کا فوری علاج معالجہ ہونا چاہئیے اور بحرین کے قانون اور بنیادی آئین کے تحت علاج معالجہ ان کا بنیادی حق ہے۔