نوازالدین صدیقی نے سوشل میڈیا پر معافی مانگی ہے۔
پیر کو دیر گئے اپنے فیس بک اور ٹوئٹر اکاؤنٹ پر انھوں نے لکھا: ‘میں ہر اس شخص سے معافی مانگتا ہوں جن کے جذبات ہماری یاد داشت ‘این آرڈینری لائف’ کی بدنظمی سے مجروح ہوئے ہیں۔ اس کا مجھے افسوس ہے اور اس لیے میں نے اپنی کتاب واپس لینے کا فیصلہ کیا ہے۔’
انھوں نے کسی بھی خاتون سے ذاتی طور پر معافی نہیں مانگی جن کا انھوں نے اپنی کتاب میں ذکر کیا ہے۔
انھوں نے کتاب میں مذکور ایک دوسری خاتون کی شکایت کے بعد معافی مانگی جنھیں نوازالدین نے اپنی ‘پہلی گرل فرینڈ’ کہا ہے۔ خاتون نے فیس بک پر ‘غیر معمولی جھوٹ’ کا الزام لگایا تھا۔
