جھانسی:گجرات سے لکھنؤ جارہے 50 سے زیادہ لوگوں کو جھانسی ریلوے اسٹیشن پر پولیس نے زبردستی سابرمتی ایکسپریس سے اتاردیا۔یہ بھی مسافر دلت بتائے جاتے ہیں۔
ریل سے اتارے گئے 50 سے زیادہ لوگ بھگوان بدھ کی تصویر کی شکل کا 125 کلوگرام کا صابن لے کر اترپردیش کے وزیراعلی یوگی آدتیہ ناتھ کو دینے جارہے تھے ۔ان کا الزام ہے کہ کشی نگر میں مسٹر یوگی نے اپنے افسروں سے دلتوں کو صابن اور شیمپو تقسیم کرواکر یہ بتانے کی کوشش کی تھی کہ وہ نہاتے نہیں ہیں۔وہ 125کلو کا صابن دے کر بتانا چاہتے ہیں کہ دلت نہاتے بھی ہیں اور صاف ستھرے بھی رہتے ہیں۔
