امریکہ کی بربریت جاری، شام پر 110 سے لیکر 120 میزائل فائر کئے

ابھی تک امریکہ نے اس بے بنیاد الزام کے حوالے سے کوئی ثبوت پیش نہیں کیا اور نہ ہی اس کے پاس کوئی ایسا ثبوت ہے۔ جبکہ امریکہ کئی سال سےدہشتگردی کے بہانے افغانستان پر قابض ہے اور اس کی اینٹ سے اینٹ بجا دی ہے۔

ادھر روس کا کہنا ہے کہ امریکہ نے شام پر حملہ کرکے بہت بڑی غلطی کا ارتکاب کیا ہے اور شام پر مغربی ممالک کے فوجی حملے کے سنگین نتائج کی ذمہ داری امریکہ ، فرانس اور برطانیہ پر عائد ہوگی۔

واضح رہے کہ امریکہ،برطانیہ اور فرانس نے کیمیائی ہتھیاروں کا بہانہ بنا کربغیر کسی ثبوت کے آج صبح شام پر میزائلی حملہ کیا جس پرعالمی سطح پر سخت رد عمل سامنے آیا ہے۔