بہار کے جہان آباد میں سرعام لڑکی سے چھیڑچھاڑ کا ویڈیو وائرل، چار گرفتار

مقامی ذرائع سے موصول ہونے والی معلومات کے مطابق، بائیک روی رنجن کے نام سے رجسٹرڈ ہے۔ روی کا ایک دوست بائیک پر لڑکی کو بٹھا کر جا رہا تھا تبھی کچھ لڑکوں نے دونوں کو پکڑ لیا اور پھر لڑکی کے ساتھ چھیڑخانی کرنے لگے۔ اس کے بعد ویڈیو بنا کر اسے وائرل کر دیا۔

معلوم ہوکہ ویڈیو میں غنڈوں کی ایسی حیوانیت دکھائی دے رہی ہے جس کا ہم تصور بھی نہیں کر سکتے۔ وائرل ویڈیو میں ایک لڑکی (دیکھنے میں لڑکی نابالغ ہی نظر آ رہی ہے) کو ایک ساتھ تقریبا نصف درجن لڑکے پکڑ کر اس سے چھیڑخانی کر رہے ہیں۔ اس کے ساتھ نوچ کھسوٹ کر رہے ہیں۔ ہر لڑکا اس پر ٹوٹ پڑا ہے۔ لڑکی ان سب سے خود کو بچانے کی ہر ممکن کوشش کر رہی ہے۔