ممبئی میں واقع  200سال کی تاریخی جامع مسجد میں شمسی توانائی کا نظام نصب

اس کا مقصد یہ بھی ہے کہ مسجد میں نماز کی ادائیگی کے لیے آنے والوں کو اس کا احساس ہواور وہ بھی اپنے گھروں اور دکانوں میں شمسی نظام کو نصب کریں اور ماحول کو آلودگی سے بچائیں۔اس سے نہ صرف مسجد کو بلکہ آس پاس کے ماحول پر بھی اثراور فائدہ ہوگا۔

جامع مسجد میں سولار سسٹم نصب کرنے والی گرین پاورپروجیکٹس پرائیوٹ لمیٹیڈ کے چیف آپریٹنگ افسر محمد سہیل شیخ نے کہا کہ جامع مسجدکو دیکھنے ملک بھر کے شہری آتے ہیں اور ان کے ذریعہ ایندھن بچانے اور سولارانرجی اختیار کرنے اور ماحول کو آلودگی سے پاک کرنے کے سلسلے میں ایک پیغام وسیع پیمانے پر جائے گا۔