عمران خان کی حلف برداری تقریب میں ہندوستان کے کئی سینئر کرکٹرس ہوسکتے ہیں شامل !۔

 اے ایس دلت کے مطابق سنیل گواسکر ، سچن تیندولکر ، راہل دراوڑ اور کپل دیو جیسے کچھ چنندہ کرکٹروں کو اسلام آباد میں حلف برداری تقریب میں شرکت کی دعوت مل سکتی ہے ۔ انہوں نے کہا کہ اگر میں غلط نہیں ہوں تو گواسکر دنیا کے بہترین سلامی بلے بازوں میں سے ایک ہیں ، یہ سبھی کرکٹرس عمران خان کے دوستوں میں شامل ہیں۔

خیال رہے کہ عمران خان کی پارٹی کے الیکشن میں کامیاب ہونے پر ٹیم انڈیا کے سابق کپتان کپل دیو اور سنیل گواسکر نے انہیں مبارکباد دی تھی اور اس امید کا اظہار کیا تھا کہ عمران خان کرکٹ ٹیم کی طرح ہی پاکستان ملک کی بھی خدمت کریں گے۔