کوریا میں کورونا وائرس کے تقریباً پانچ ہزارنئے کیسز،مزید 64 مریضوں کی موت

وزارت صحت کے مطابق کورونا وائرس کے 4954 نئے کیسز کے ساتھ اس کے متاثرین کی مجموعی تعداد 4,82,310 ہو گئی ہے اور اس وبا سے مرنے والوں کی تعداد 3957 ہو گئی ہے۔ متاثرین میں 774 مریضوں کی حالت تشویشناک ہے۔

دوسری جانب کوریا میں کورونا وائرس کے نئے ویرینٹ اومیکرون کے 36 کیسز رپورٹ ہوئے ہیں جن میں سے 9 کا تعلق دیگر ممالک سے اور 27 مقامی کیسز ہے۔
ملک میں اب تک چار کروڑ 27 لاکھ 33 ہزار 49 افراد کو کووڈ-19 کی خوراک دی گئی ہے، جن میں سے چار کروڑ 14 لاکھ 10 ہزار 206 افراد نے پوری خوراک لی ہے جبکہ 42 لاکھ 42 ہزار 449 افراد کو بوسٹر ڈوز دی گئی ہے۔