اسمبلی انتخابات میں زبردست جیت کے بعد مودی کااپنی آبائی ریاست گجرات میں شاندارروڈ شو

احمد آباد ، 11 مارچ ؛ وزیر اعظم نریندر مودی حالیہ اسمبلی انتخابات میں حکمراں جماعت بی جے پی کی زبردست جیت کے بعد آج اپنی آبائی ریاست گجرات میں ایک عظیم الشان روڈ شو میں حصہ لیں گے۔
پانچ میں سے چار ریاستوں میں ہوئے انتخابات میں بی جے پی کی مکمل اکثریت سے کامیابی کے بعد مسٹر مودی آج سے گجرات کے دو روزہ دورے پر ہوں گے

0صبح تقریباً11 بجے یہاں سردار ولبھ بھائی پٹیل بین الاقوامی ہوائی اڈے پرپہنچنے کے بعد مسٹر مودی وہاں سے بی جے پی کی ریاستی دفترگاندھی نگرکے نزدیک کوبا میں واقع شریکلم تک اپنا روڈ شو شروع کریں گے۔ 20 کلومیٹر سے لمبے اس روڈ شو کے دوران وزیر اعلیٰ بھوپیندر پٹیل اور ان کے تمام وزراء کے علاوہ ریاست میں پارٹی کے سینئر لیڈر بھی اس روڈ شو کے دوران موجود رہیں گے ۔

واضح رہے کہ اس سال کے آخر میں گجرات میں اسمبلی انتخابات بھی ہونے والے ہیں ، جہاں ڈھائی دہائیوں سے زیادہ عرصے سے بی جے پی مسلسل حکومت کر رہی ہے ۔ پارٹی ذرائع کا کہنا ہے کہ حالیہ انتخابی جیت کے ساتھ ہی ریاست میں پارٹی کا پھر سے اقتدار میں تقریباً طے ہو گیا ہے۔ اس روڈ شو کے ذریعے مسٹر مودی پارٹی میں مزید جوش و خروش پیدا کریں گے۔