گوہاٹی،27 مارچ؛ آسام اور مغربی بنگال اسمبلی انتخابات کے پہلے مرحلے میں 12 اضلاع کی 47 نشستوں کے لئے پولنگ ہفتہ کی صبح 7 بجے شروع ہوگئی۔ ووٹ ڈالنے کے لئے کووڈ ۔19 کے تمام پروٹوکول پر عمل کیا جارہا ہے۔
مغربی بنگال میں اسمبلی انتخابات کے پہلے مرحلے کے لئے ووٹنگ کا آغاز ہفتہ کی صبح ہوگیا۔ ریاست کی کل 294 نشستوں میں سے پہلے مرحلے میں پانچ اضلاع کی 30 اسمبلی نشستوں پر پولنگ ہو رہی ہے۔ ووٹنگ کے لئے سیکیورٹی کے وسیع انتظامات کئے گئے ہیں۔
سخت حفاظتی انتظامات کے ساتھ ریاست کے تمام پولنگ اسٹیشنوں پر ووٹنگ جاری ہے۔ لوگوں میں ووٹنگ کے حوالہ سے خاصا جوش و خروش پایا جا رہا ہے اور صبح سے ہی لوگ پولنگ بوتھوں پر جمع ہونا شروع ہوگئے ہیں۔ ریاست میں ووٹنگ کے دوران کہیں سے بھی کسی ناخوشگوار واقعہ کی رپورٹ نہیں ملی ہے۔
الیکشن کمیشن کے مطابق پہلے مرحلے میں 1،1537 پولنگ اسٹیشنوں پر کل 81،09،815 ووٹرز ، جن میں 40،77،210 مرد اور 40،32،481 خواتین شامل ہیں ، اپنے حق رائے دہی استعمال کریں گے۔
آسام اسمبلی انتخابات تین مراحل میں ہوں گے اور پہلے مرحلے کی ووٹنگ آج شروع ہوگئی ۔ دریں اثنا ، چیف الیکٹورل آفیسر (سی ای او) کے دفتر نے بتایا کہ کورونا وائرس کے پیش نظر پولنگ کو ایک گھنٹہ کے لئے بڑھا دیا گیاہے۔
ریاست کے کچھ اہم سیاستدانوں کی قسمت کا فیصلہ آج ہی ہوگا جن میں وزیر اعلی سربانند سونووال بھی شامل ہیں ، جو ماجولی سے انتخاب لڑ رہے ہیں۔ آسام کانگریس کے ریاستی صدر رپن بوڑہ بھی گوہ پور سے انتخاب لڑ رہے ہیں۔ جیل میں بند سماجی کارکن اور کاشتکاروں کے حقوق کی لڑائی لڑنے والے نو تشکیل ’رائے جور دل‘ کے صدر اکھل گوگوئی شیوساگر سے انتخاب لڑ رہے ہیں۔
آسام اسمبلی انتخابات کے پہلے مرحلے میں 37 سے زیادہ ایم ایل اے دوبارہ انتخاب لڑ رہے ہیں۔
2016 میں بھارتیہ جنتا پارٹی اور اس کی اتحادی اے جی پی نے 35 نشستیں جیتی تھی۔
مغربی بنگال کےریاست کے جن پانچ اضلاع کے 30حلقوں میں ووٹ ڈالے جارہے ہیں ان میں پرولیا ، مغربی میدنی پور پارٹ ون ، بانکورہ پارٹ 1 ، مشرقی میدنی پور پارٹ 1 اور جھارگرام کے حصے شامل ہیں۔
Polling at Kaliabhumura booth of Tezpur District during First Phase #AssamAssemblyPolls pic.twitter.com/FpQCAJ8r1D
— Spokesperson ECI (@SpokespersonECI) March 27, 2021
ریاست کے 30 اسمبلی حلقوں میں ووٹنگ کا پہلا مرحلہ آج صبح سے شروع ہوگیا ، ان میں پٹاش پور، کانٹھی شمالی ، بھگوان پور ، کھیجوری (محفوظ) ، کانٹھی جنوبی ، رام نگر ، ایگرہ ، دانتان ، نیاگرام ( محفوظ) ، گوپی بلب پور ، جھارگرام ، کیشاری۔ ( محفوظ) ، کھڑگ پور ، گاربیٹا ، سلبانی ، میدنی پور ، بِن پور ( محفوظ) بندوان ( محفوظ) بلرام پور ، باگھ منڈی ، جوئے پور ، پرولیا ، من بازار ( محفوظ) کاشی پور ، پارا ( محفوظ) ، رگھوناتھ پور ( محفوظ) سلتورا ( محفوظ) ، چھاٹنا ، رانی بندھ ( محفوظ) اور رائے پور ( محفوظ) ہیں۔
Tea gardens workers are a major constituent in Assam's electorate. NDTV's Ratnadip Choudhary speaks to some of them at a polling station#AssamAssemblyElections2021 #ElectionsWithNDTV pic.twitter.com/9zh9youWyB
— NDTV (@ndtv) March 27, 2021
