ایودھیا، 26 جنوری ؛اترپردیش میں اجودھیا کے گاؤں دھنی پور انڈو اسلامک کلچر فاؤنڈیشن ٹرسٹ کے صدر زفر فاروقی سمیت نو عہدیداران نے یوم جمہوریہ کے موقع پر شجرکاری کرکے اور پرچم لہرا کر دھنی پور مسجد کا علامتی سنگ بنیاد رکھا بابری مسجد سے تقریباً 25 کلومیٹر کی مسافت پر لکھنؤ-فیض آباد قومی شاہراہ پر واقع دھنی پور گاؤں میں پہلے سے طے شدہ پروگرام کے مطابق ٹرسٹ کے ذمہ داران منگل کے روز یہاں پہنچے جہاں انہوں نے مسجد کے لیے دی گئی زمین پر نو پودے لگائے۔
اس موقع پر مسٹر فاروقی نے ترنگا پرچم لہرایا اور علامتی سنگ بنیاد رکھا۔ انہوں نے وہاں نماز بھی ادا کی۔ جانے سے پہلے ٹرسٹ کے عہدیدار مسجد کے لیے کھودی گئی بنیاد سے 20 فٹ گہرائی کی مٹی کا
عیار پرکھنے کے لیے‘ اسے ساتھ لے گئے۔
In another news the foundation stone laying ceremony of proposed #BabriMosque was laid at Dhannipur village in #Ayodhya.
The flag hoisting was done and a sapling was planted by Chief Trustee of IICF Mr Zufar Ahmad Farooqi with participation of other 8 Trustees of IICF. pic.twitter.com/yKoy7uxBDR— Saurabh Sharma (TRAVEL. REPORT. REPEAT) (@saurabhsherry) January 26, 2021
ٹرسٹ کے سکریٹری اور ترجمان اطہر حسین نے بتایا کہ سپریم کورٹ کے حکم پر ملی پانچ ایکڑ زمین پر دھنی پور مسجد کی علامتی بنیاد آج رکھی گئی ہے حالانکہ مٹی کا معیار‘ کسوٹی پر پرکھنے کے لیے لیب بھیجا جائے گا جس کے بعد بنیاد کی رسمی شرعاوت ہوگی۔
Ayodhya: Construction work of Dhannipur mosque to be formally inaugurated with hoisting of the Tricolour on Republic Dayhttps://t.co/vkIvcfqKq5
— OpIndia.com (@OpIndia_com) January 26, 2021
انہوں نے بتایا کہ مسجد کا نقشہ فائنل ہو چکا ہے۔ ٹرسٹ کی جانب سے آن لائن اجودھیا ڈیویلپمنٹ اتھارٹی میں دھنی پور مسجد کا نقشہ بھیج کر پاس کروانا چاہتا تھا لیکن ابھی یہ سہولت اجودھیا ڈیویلمنٹ اتھارٹی میں مہیا نہیں ہے۔ مسجد کے ساتھ ساتھ دو سو بیڈ کا اسپتال اور میوزیم بھی بنایا جائے گا۔
انہوں نے بتایا کہ آنے والے وقت میں ماحولیات کے تحفظ کے پیش نظر دھنی پور مسجد کی زمین پر آسٹریلیا، امیزن اور دنیا کے دیگر مقامات سے منگوائے گئے آکسیجن دینے والے پودوں کو لگایا جائے گا۔ مسجد کے آس پاس ایک بڑی لائبریری بھی بنائی جائے گی۔ کمیونٹی کچن کے تحت ایک ہزار لوگوں کو مفت کھانہ فراہم کیے جانے کا انتظام بھی کیا جائے گا۔
ٹرسٹ کے اراکین میں عدنان شاہی، سکریٹری اطہر حسین، فیض آفتاب، محمد جنید صدیقی، شیخ سیدالزمن، محمد راشد، عمران احمد سمیت دیگر عہدیدار شامل ہیں۔
