نوجوان انڈین کرکٹر کا حیرت انگیز کارنامہ، بغیر کوئی رن دیے دس وکٹیں

آکاش چودھری نے بی بی سی سے بات کرتے ہوئے کہا: ‘میں نے پہلے اوور میں دو وکٹیں لیں۔ اس کے بعد دوسرے اور تیسرے اوورز میں بھی دو دو وکٹیں حاصل کیں۔ آخری اوور میں چار وکٹ لیں جس میں ایک ہیٹ ٹرک بھی شامل ہے۔ چھ کھلاڑیوں کو بولڈ اور باقی چار کو ایل بی ڈبلیو آؤٹ کیا۔’

آکاش نے بتایا: ‘میں نے 15 سے زیادہ بار ایک میچ میں پانچ وکٹیں لی ہیں جس میں کئی بار چھ اور سات وکٹیں بھی ہیں۔ سارا دن صرف کرکٹ ہی میرے ذہن پر سوار رہتا ہے۔ صبح اٹھ کر چھ بجے سے سیشن شروع ہو جاتا ہے، اس کے بعد فیلڈنگ ہوتی ہے۔ لنچ کے بعد تین بجے سے نیٹ پریکٹس شروع ہوتی ہے۔’