الور ماب لنچنگ معاملہ: تحسین پونا والا نے داخل کی سپریم کورٹ میں عرضی، 20 اگست کو سماعت

کیا ہے معاملہ؟

راجستھان کے الور واقع رام گڑھ علاقہ میں ہفتہ کے روز گایوں کی اسمگلنگ کے شک میں بھیڑ نے 28 سالہ اکبر خان کا پیٹ پیٹ کر قتل کر دیا تھا۔ تاہم اس معاملہ میں موڑ تب آیا جب بی جے پی کے ایم ایل اے گیان آہوجا نے کہا کہ متاثرہ شخص کی موت جائے حادثہ پر نہیں بلکہ پولیس حراست میں پٹائی کے مدنظر ہوئی ہے۔

وہیں دوسری جانب اس معاملہ کو لے کر سرکار کی بدنامی ہونے پر وزیر اعلیٰ وسندھرا راجے نے اب سخت کاروائی کرنے کا حکم دیا ہے۔ ملزمین کو پکڑنے کے لئے پولیس مسلسل چھاپے ماری کر رہی ہے۔ نیوز 18 کے مطابق،اس معاملہ میں ایک اور گرفتاری ہوئی ہے۔ اسے لے کر اب تک کل 3 ملزمین گرفتار کئے جا چکے ہیں۔