نئی دہلی : بھارت رتن سابق وزیر اعظم اٹل بہاری واچپائی کی آخری سفر میں آج راجدھانی میں عوام کا جم غفیر امڑ پڑا اور ملک کے دوردرازعلاقوں سے آئے لاکھوں لوگوں نے کڑی دھوپ اودہلی کے امس بھرے موسم کے باوجود اپنے عزیز لیڈر کے اخری سفر میں شرکت کی۔
راجدھانی کے آئی ٹی او کے سامنے دین دیال اپادھیائے مارگ پر پارٹی دفتر سے جب دو بجے آنجہانی کی آخری سفر شروع ہواتو لوگ کافی جذباتی ہوگئے اور ان کی آنکھیں نم ہوگئیں۔
قابل ذکر ہے کہ صبح سے ہی قومی راجدھانی اور ملک کے دوادراز علاقوں سے ہردل عزیز لیڈر کے آخری دیدارکے لئے لاکھوں کی تعداد میں پہونچے گئے تھے ۔اخری سفر کے دوران لوگوں نے راستے بھر ان کے جسد خاکی پر پھول برسائے ۔ ان کی آخری رسومات کی ادائیگی کے لئے ان کے جسد خاکی کو لیکر تقریبا 7 کلو میٹر کا راستہ طئے کر کے آئی ٹی او، دہلی گیٹ،دریا گنج اور شانتی ون سے ہوتے ہوئے راشٹریہ اسمرتی استھل لے جایا گیا۔