شام : ٹین کے ڈبوں کے سہارے چلنے والی معذور مایا اب چلے گی اپنے پیروں سے

استنبول: شام میں اپنے والد کی طرح پیدائشی طور پر پیروں سے معذور 8 سالہ مایا مرہی اب اپنے پیروں پر چل سکے گی ۔ شامی کمسن مایا کی سوشل میڈیا پر وائرل ویڈیو نے انہیں پیر دلوا دیئے۔

الیکٹرونک میڈیا اور پرنٹ میڈیا کےبعد سوشل میڈیا پر وائرل ہونے والی ویڈیوکے بعد ترک حکومت نے مایا مرہی اور اس کے معذور والد کو استنبول بلا لیا ہےاور وہاں دونوں باپ اور بیٹی کو مصنوعی پیر لگائے جائیں گے۔

مایا کے والد مالی وسائل نہ ہونے کی وجہ سے اپنا اور اپنی بیٹی کا علاج نہیں کرا پا رہےتھے۔لیکن والد نے اپنی بیٹی کیلئے کچھ کیا ضرور۔ انہوں نے اپنی بیٹی کے پیروں کیلیے ٹین کے ڈبوں کے مصنوعی پیر بنائے ہیں۔ اُن میں پرانے کپڑے اور دیگر اشیا بھی رکھیں تاکہ مایا کو چلنے میں تکلیف نہ ہو۔