بی جے پی رکن پارلیمنٹ کوشل کشور کے بیٹے نے خود اپنے اوپر فائرنگ کرائی! پولیس کا سنسنی خیز انکشاف

لکھنؤ پولیس کمشنر ڈی کے ٹھاکر نے کہا کہ جس پستول سے گولی چلی تھی اسے برآمد کر لیا گیا ہے۔ رکن پارلیمنٹ کے بیٹے نے گزشتہ سال محبت کی شادی کی تھی، جس کے بعد سے ہی وہ اپنے والد سے علیحدہ رہ رہا تھا۔

لکھنؤ: موہن لال گنج سے بی جے پی کے رکن پارلیمنٹ کوشل کشور کے بیٹے آیوش پر فائرنگ کے معاملہ میں اس وقت نیا موڑ آ گیا جب لکھنؤ پولیس نے دعویٰ کیا کہ بیٹے نے خود ہی اپنے سالے سے اپنے اوپر گولی چلوائی تھی! نیوز پورٹل ’آج تک‘ پر پولیس کے حوالے سے شائع رپورٹ کے مطابق واقعہ میں استعمال ہونے والا ریوالور برآمد کر لیا گیا ہے، نیز پوچھ گچھ کے دوران آیوش کے سالے نے تمام راز کھول دیئے ہیں۔

My son Ayush rang me up around 2am&said that he was shot at. He also said that he had gone out with his brother-in-law when incident happened. If Ayush's brother-in-law shot at him, then, Ayush should've shared it.Police probe on.I've not registred an FIR yet: Kaushal Kishore, MP pic.twitter.com/2xdFboUh3j

— ANI UP/Uttarakhand (@ANINewsUP) March 3, 2021

لکھنؤ پولیس کمشنر ڈی کے ٹھاکر نے کہا کہ یہ واقعہ رات کے تقریباً 2 بج کر 10 منٹ پر پیش آیا۔ پہلے بتایا گیا تھا کہ رکن پارلیمنٹ کے بیٹے پر کچھ نامعلوم حملہ آوروں نے گولی چلائی ہے۔ اب ابتدائی تفتیش کے بعد انکشاف ہوا ہے کہ رکن پرلیمنٹ کے بیٹے کے کہنے پر اس کے سالے نے فائرنگ کی تھی۔

“The probe so far has indicated that he (Ayush) staged the firing at him by his brother-in-law,” Commissioner of Police of Lucknow D K Thakur said
Click to know morehttps://t.co/0CtTSZLzXi#BJPMP #KaushalKishore

— ELECTIONFACTS (@electionfactsin) March 3, 2021

لکھنؤ پولیس کمشنر ڈی کے ٹھاکر نے کہا کہ جس پستول سے گولی چلی تھی اسے برآمد کر لیا گیا ہے۔ رکن پارلیمنٹ کے بیٹے نے گزشتہ سال محبت کی شادی کی تھی، جس کے بعد سے ہی وہ اپنے والد سے علیحدہ رہ رہا تھا۔ واقعہ کے حوالہ سے تفتیش ہنوز جاری ہے۔

آیوش کے سالے آدرش نے پولیس کے سامنے اعتراف کیا کہ ’’رکن پارلیمنٹ کے بیٹے نے کہا تھا کہ کسی کو پھنسانا ہے۔ چندن گپتا، منیش جائسوال اور پردیپ کمار سنگھ سے کوئی رنجش تھی، اس لیے ان لوگوں کو پھنسانے کے لیے سازش رچی گئی تھی۔ سازش کے تحت حملہ کروا کر ان کے خلاف مقدمہ درج کرنے کا منصوبہ تھا۔‘‘

اس سے پہلے اطلاع موصول ہوئی تھی کہ رکن پارلیمنٹ کوشل کشور کے بیٹے آیوش کو بائیک سوار حملہ آور گولی مار کر فرار ہو گئے ہیں۔ آیوش کو ٹراما سینٹر میں داخل کرایا گیا تھا، جہاں ان کو خطرے سے باہر بتایا گیا اور انہیں اسپتال سے چھٹی دے دی گئی ہے۔

اس تعلق سے رکن پارلیمنٹ کوشل کشور نے کہا، ’’آیوش کا کہنا ہے کہ یہ واقعہ علی الصبح ٹہلنے کے دوران ہوا۔ آیوش اپنے سالے کے ساتھ چہل قدمی کر رہا تھا۔‘‘ رکن پارلیمنٹ نے پولیس میں تحریر دینے سے منع کر دیا ہے۔ معاملہ کے حوالہ سے کئی طرح کے سوال کھڑے ہو رہے ہیں۔