فاسٹ فوڈ کمپنی ’مكڈونلڈز‘ کا سی ای او سٹیو ایسٹربروك برخاست

واشنگٹن : عالمی شہرت یافتہ فاسٹ فوڈ کمپنی ’مكڈونلڈز‘ کے چیف ایگزیکٹو آفیسر (سی ای او) سٹیو ایسٹربروك کو کمپنی کی پالیسیوں کی خلاف ورزی کر کے الزام میں برطرف کر دیا ہے ۔مكڈونلڈز کی صدر کریس کیمپ سینسکی کو کمپنی کا نیا سی ای او مقرر کیا گیا ہے ۔

ایسٹر بروك پر ایک خاتون ساتھی کے ساتھ تعلقات قائم کرنے کا الزام ہے ۔ تاہم کمپنی نے ایک بیان جاری کرکے یہ بھی کہا ہے کہ ایسٹربروك (52) نے خاتون کی رضامندی سے اس کے ساتھ تعلقات قائم کئے تھے لیکن یہ کمپنی کے ضابطوں کی خلاف ورزی ہے ۔ کمپنی نے بتایا کہ بین الاقوامی آپریٹیڈ مارکیٹس کے صدر جیو ایر لنگر کو مكڈونلڈ زکا نیا سی ای او بنایا گیا ہے۔

ایسٹربروك نے کمپنی کو ایک ای میل بھیج کر اپنے اوپر عائد الزامات کو قبول کیا اور کہا وہ سمجھتے ہیں کہ ان سے غلطی ہوئی ہے ۔ انہوں نے کہا’’کمپنی کی عزت کا خیال رکھتے ہوئے میں بورڈ کے فیصلے کو قبول کرتا ہوں‘‘۔

ایسٹربروك سنہ 2015 سے کمپنی کی قیادت کر رہے تھے ۔ انہوں نے مكڈونلڈ زمیں گزارے گئے چار سال کو بہترین بتایا ۔ واضح رہے کہ مكڈونلڈ زکے تقریبا 100 ممالک میں 38 ہزار سے زائد آوٹ لیٹ ہیں۔