چین: قومی ترانے اور پرچم کی توہین پر سخت سزا کی تجویز

سرکاری خبر رساں ایجنسی کے مطابق اب چینی پارلیمان پیر سے شروع ہونے والے اپنے دوماہی اجلاس میں قومی ترانے کی توہین، بشمول ترانے کے الفاظ اور دھن میں دانستہ تبدیلی کو جرم قرار دیتے ہوئے اس کے لیے قانون بنانے پر غور کر رہی ہے۔

رپورٹ میں کہا گیا ہے کہ نئے قانون میں ترانے کے علاوہ قومی پرچم، قومی نشان کی توہین، اس کے نذر آتش کیے جانے یا اسے مسخ کیے جانے یا سر عام اسے پاؤں سے کچل کے خلاف بھی سخت قانون پر غور کیا جا رہا ہے۔