کیمرون میں اسٹیڈیم کے باہر بھگدڑ، چھ افراد ہلاک

یاؤنڈے، 25 جنوری؛کیمرون میں ایک اسٹیڈیم کے باہر بھگدڑ مچنے سے کم از کم چھ افراد ہلاک ہو گئے۔یہ حادثہ گزشتہ روز پیش آیا۔ حادثے کے وقت لوگ اسٹیڈیم میں جاری افریقہ کپ آف نیشنز دیکھنے کے لیے اسٹیڈیم میں داخل ہونے کی کوشش کر رہے تھے۔ کیمرون کے وسطی صوبے کے گورنر ناصری پال بیا نے کہا کہ حادثہ اس وقت پیش آیا جب فٹ بال کے شائقین اسٹیڈیم میں داخل ہونے کی کوشش کر رہے تھے۔ حادثے کے وقت اسٹیڈیم میں کیمرون اور کوموروس کے درمیان اہم ناک آؤٹ میچ کھیلا جا رہا تھا۔ انہوں نے کہا کہ اس حادثے میں کئی دوسرے لوگ زخمی ہوئے ہیں، جنہیں علاج کے لیے دارالحکومت یاؤنڈے کے اسپتال میں داخل کرایا گیا ہے۔ حکام کو ہلاکتوں کی تعداد میں اضافے کا خدشہ ہے۔

امانوئل نجومو نامی ایک عینی شاہد کے مطابق حادثے کے وقت اسٹیڈیم کے داخلی دروازے پر 1000 سے زائد افراد جمع تھے اور وہ اسٹیڈیم میں داخل ہونے کی کوشش کر رہے تھے۔ انہوں نے کہا’’ہر کوئی بے صبرا ہورہاتھا اور میچ دیکھنے کے لیے اسٹیڈیم میں داخل ہونا چاہتا تھا۔ لوگوں نے حفاظتی حصار توڑ دیا اور پھر بھگدڑ مچ گئی۔” ان کا کہنا تھا کہ اس حادثے میں کچھ بچے اور خواتین یا تو مر گئے یا زخمی ہوئے ہیں۔

اسٹیڈیم میں 60 ہزار افراد کے بیٹھنے کی گنجائش ہے تاہم کورونا وائرس کی وجہ سے لگائی گئی پابندیوں کے باعث اسٹیڈیم کی صرف 80 فیصد گنجائش کے ساتھ میچز کرانے کی اجازت دی گئی