لکھنو؛علی ڈے کے موقعہ پر یونٹی لا اینڈ ڈگری کالج میں حضرت علی کی معاشی اور معاشرتی پالیسیوں اور زمانہ حاظر میں انکی افادیت کے مو ضوع پر ایک نیشنل سیمینار کا انعقادکیا گیا جسمیں مختلف مذاہب اور مکاتب فکر کے مندوبین نے شرکت کی۔
جن مقررین نے سمپوزیم سے خطاب کیا انمیں مولانا ڈاکٹر سید کلب صادق ، منکامیشور مندر کی مہنت دویا گری ، مراداباد ناگرک ایکشن سمیتی کے سردار گربندر سنگھ نرمل، علیگڑھ کے سابق ڈین اور نہج البلاغہ پر اتھارٹی پروفیسر شاہ وسیم، پروفیسر ماہ رخ مرزا، پروفیسر شیرین عباس، پروفیسر ارشد جعفری، جناب شاہد منظر عباس رضوی آئی اے ایس، جناب اصغر مہدی، پروفیسر علی بہادر صدیقی، ڈاکٹر فرحت نادر رضوی، اور محترمہ رفعت فاطمہ کے نام قابل ذکر ہیں۔
