سوئٹزرلینڈ کے راجر فیڈرر نے روٹرڈیم اوپن ٹینس ٹورنامنٹ کے فائنل میں گریگر دمترو کو شکست دے کر ٹینس کی عالمی درجہ بندی میں ایک بار پھر پہلی پوزیشن حاصل کر لی ہے۔
اتوار کو کھیلے جانے والے فائنل میں فیڈرر نے ٹینس کی عالمی درجہ بندی میں پانچویں نمبر پر براجمان دمتری کو 6-2، 6-2 کے سکور سے شکست دی۔
فیڈرر اب تک 20 گرینڈ سلام ٹائٹل جیت چکے ہیں اور اس فتح کے نتیجے میں وہ سب سے زیادہ عمر میں عالمی نمبر ایک درجے پر پہنچنے والے ٹینس کھلاڑی بن گئے ہیں۔
فیڈرر نے 36 برس کی عمر میں کارنامہ انجام دے کر ِخاتون کھلاڑی سرینا ولیمز کا ریکارڈ توڑا ہے جنھوں نے 35 سال کی عمر میں دنیا کی نمبر ایک کھلاڑی ہونے کا اعزاز حاصل کیا تھا۔
Pages: 1 2
