صدر نے راکیش سنہا، سونل مان سنگھ سمیت ان چار کو کیا راجیہ سبھا کے لئے نامزد

راجیہ سبھا کے مانسون اجلاس سے قبل ایوان بالا سے خالی ہوئی ان چار نشستوں کے لئے کھیلوں، فن اور سماجی طبقات سے کئی ناموں کی چرچا تھی۔ اس میں کرکٹر کپل دیو، اداکارہ مادھوری دکشت، نیتا جی سبھاش چندر بوس کے خاندان سے چندر کمار بوس وغیرہ کے ناموں کی چرچا ہو رہی تھی۔

حالانکہ ان تمام قیاس آرائیوں کو درکنار کرتے ہوئے کسان لیڈر رام شكل، مصنف اور کالم نگار راکیش سنہا، مورتی کار رگھوناتھ مہاپاترا اور کلاسیکی رقاصہ سونل مان سنگھ کو صدر نے راجیہ سبھا کے لئے نامزد کیا ہے۔