میکسیکو کے کووڈ اسپتال میں آکسیجن کی سپلائی متاثر ، 17 افراد کی موت

میکسیکو سٹی، 8 ستمبر ؛میکسیکو کی ریاست ہیڈالگو کے ایک کووڈ اسپتال میں سیلاب کی وجہ سے آکسیجن کی سپلائی متاثر ہونے سے 17 افراد کی موت ہوگئی۔

صدر اینڈرس مینوئل لوپیز اوبراڈور نے یہ اطلاع دی۔ انہوں نے ٹیلی گرام پر لکھا ’’میں ہیڈالگو میں دریائے تُلا میں سیلاب کی وجہ سےآئی ایم ایس ایس ہسپتال میں 17 مریضوں کی موت سے کافی دکھی ہوں۔ میکسیکو سٹی ویلی میں بہت بارش ہوئی ہے اور بارش جاری ہے۔ نشیبی علاقوں کے باشندوں کو پناہ گاہوں یا اونچے علاقوں اور خاندان یا دوستوں کے گھروں میں پناہ لے لینی چاہیے۔

Mexico's coronavirus czar in hospital with COVID-19, as death toll nears 186,000 https://t.co/GJAKfxPuOR pic.twitter.com/C7srpBaDWH

— Reuters (@Reuters) March 1, 2021

واضح رہے کہ ریاست میں پیر کی رات دیر موسلا دھار بارش ہوئی جس سے سیلاب آیا۔ سیلاب کی وجہ سے بجلی ہسپتال کے ٹرانسفارمر تک نہیں پہنچ سکی۔ تُلا شہر میں 10 اضلاع کے لوگوں کو محفوظ مقامات پر منتقل ہونے کی ہدایت کی گئی ہے۔